Ferðamannapúlsinn mældist 85,4 stig af 100 stigum mögulegum í maí, nærri tveimur stigum hærra en á sama tíma í fyrra.
Ferðamenn frá Indlandi og Ástralíu ánægðastir
Ef ferðamannapúlsinn er skoðaður eftir þjóðerni má sjá að ferðamenn frá Indlandi (88,2 stig) og Ástralíu (87,8 stig) voru með hæstu einkunn. Ferðamenn frá Póllandi (87,0), Þýskalandi (86,3 stig) og Kanada (86,2 stig) voru einnig meðal þeirra ferðamanna sem voru ánægðastir með Íslandsferðina í maí.
Ferðamenn ánægðari með verðlagið
Stærsta breytingin frá sama tíma í fyrra er á því hvort að ferðamenn upplifi að ferðin hafi verið peninganna virði og hvort væntingar hafi verið uppfylltar. Mæling á uppfyllingu væntinga hækkaði um nærri þrjú stig milli ára og mæling á hvort ferðin hafi verið peninganna virði hækkaði um nærri fjögur stig milli ára.
* Ferðamannapúlsinn er samstarfsverkefni Isavia, Ferðamálastofu og Gallup og byggja mælingar á netföngum ferðamanna sem fara í gegnum Flugstöð Leifs Eiríkssonar.
